عروستي شغاله في كول سنتر

هاي يا أيجينتس يا مطحونين
مش هسألكوا عن حالكوا علشان الل فيكوا مكفيكوا ....نخش في الموضوع علي طول علشان بقيت أزهق من كتر الكلام طووول النهار رغي وحرقة دم وكمان علشان أحافظلكوا علي الافريدش هاندل تايم بتاعكوا
هسأل الشباب الأول سؤال
Yes or no question
ترضي تتجوز واحده شغاله في كول سنتر؟
هاااااااااااا...
أستننننننننننني متستعجلش ...فكر كويس.... مش عارف حطني علي الهولد و دور تاني في السيستم

شكراً لأنتظار حضرتك؟ أكيييد الاجابه تونس - قصدي لا-

فكرررر كويس هتخسر
طبعا هتقولي مانا خسراااااااااااااااان خسراااااااااااااااان
طيب أسمعني شوية -ما أنت بتسمع العجب جت عليا يعني- شوف مميزات الزوجه اللي شغاله في كول سنتر وقرر بعدها يمكن تغير رايك.

أولا وده اهم ميزو لو متجوزواحده شغاله في كول سنتر يبقي فن الهندله عندها عالي مووووت و هتعامل معاك علي أنك كاستومر وهتاخدك علي أد عقلك ولما تبقي مخنوق ومتعصب وقافش عليها هتعرف تهندلك كويس وتضحك عليك بكلمتين وتخليك تقفل -قصدي تنام- وانت مستكانيس - مبسوط يعني –

2- متجوز واحده شغاله في كول سنتر هتسمعك من ودن وتطلع من الناحيه التانيه يعني لو هولتلهااااااااااا أيه
انتي كذا وكذا وكمان كذا هتنفضلك وتقولك متأسفه يا فندم لسوء التفاهم اللي حصل واديني فرصه- أنفضلك قصدي أوضحلك- المشكله هههههههههههه

3- متجوز واحده شغاله في كول سنتر يبقي هتوفرلك فلووووس بالعبيييييييط ... حد يلاقي كده في الزمن ده
اولا فاتورة التليفون لانها مش هتبقي طايقه تمسك تليفون البيت أساسا- وكل الكولز بتاعتها هتكون شورت كولز.
ثانيا ميزانية الأكل لانها دايما بتاكل اليوم كله بره البيت ... أبسط يا عم
ثالثا : مش هتيجي تقوللك اعزمني بره لانها في الغالب هتكون مواعيدها غير مواعيدك " وخصوصا لو انت شغال كمان في كول سنتر يبقي مش هتشوف وشها السمح أساسا " بجد حاجه جامده أخر حاجه"
رابعا: مش هتقولك عاوزه أتفسح لانها هتبقي عوزه تقعد في البيت يوم أجازتها بما انها طول النهار بره البيت

4- أهم ميزة في اي واحده شغاله في كول سنتر انها عمرها عمرها ما -هتسكليت- اي مشكلة بينكوا لأهلها ولا هتعمل –أنفستيجيشن- أي مشكله هي اللي هتحلها لوحدها وده علشان ال First problem resolution

5- متجوز واحده شغاله في كول سنتر يبقي عندها اوبشنز زياده عن اي واحده. روح التضحية عندها عاليه قوي وممكن تعمل ميت حاجه في نفس الوقت وتستحمل أي حاجه – ماهي حــــ 00000لوة شغل " لموأخذه يا بنوتات" وبجد بجد بجد وعن تجربة أليمة وقصه حب حزينة مع الكول سنترز بتبقي حمااااااااااااااااااااااااااااااله أسيه. ده غير طبعا الأكتيف ليسنينج بتاعها هيبقا عااااااالي قوي.
لسه مش مقتنع طيب أسمع اللي جيه بقا...
6-مش الرجاله بيشتكوا انهم لما يجوا من الشغل مراتهم بتقلبلهم دماغم وتفعد تقول له شوفت اللي حصل... الفانكوش وصل , وشوفت مامتك عملت ايه انهاردهه ....... والست جارتنا ....... وجوزها ....... وياراجل انت مالك مهييس كده ليه هوا انا معرفش اتكلم معاك كلمتين علي بعض الا لما تنام مني .... وبعدين شكلك كده مبقيتش تحبيني .. ايوه انت مبقتش تحبني.... اكيد انت في واحده تانية في حياتك ... طول اليوم بره وانا محروق دمي مع عيالك... الداده اللي جايبها ببلاش ... فاكر أيام الخطوبه كنت بتبوس التراب اللي بمشي عليه.. أخبار شغلك أيه؟ طبعا بيضحكوا عليك علشان متاخدش حقك. انا زهقاااانه من الفراغ.. طيب اقوللك علي حاجه تفرفشك وتنعنشك مره واحد انتنين تلاته ههههه ومرة واحد بيحب يجري ويجري مبيحبهوش ههههههه
طبعااااااااااا انت في الحاله ديه هتحدفها باي حاجه في أيدك أو هتكسر اي حاجه في البيت أو هتسيبلها البيت كله وترجع شغلك تاني
طيب شوف لو واحده شغاله في كول سنتر هتبقي حياتك ماشيه أزاي
هي: أزيك ؟
هو: كويس انا مرتدش انام الا لما تيجي
هي: شكرا لانتظارك ...
هي: كلت
هو: اه
هي: شربت
هو: اه
هي: أي خدمة تانيه
هو: لا
هي: طيب تصبح علي خير

هااااااااااااااااا في حياة أحلي ولا اظرف ولا أطعم ولا ألطف من كده؟؟؟هااااااااااا يارااااجل طيب عيني في عينك كده؟

» الكول سنتر هل هو طوق نجاه للخريجين أم حبل مشنقه ؟
» "الكول سنتر".. وظيفة للمتميزين فقط