BiG BoSs
مصرى و أفتخر
رقم العضوية : 1
عدد المساهمات : 786
نقاط : 2280
تاريخ التسجيل : 09/02/2009
العمر : 40
الموقع : Egypt
 | | موضوع: آلاء عبد الله مع حضرتك يا فندم !!!!!! الخميس 17 ديسمبر - 20:45 | |
| شغال في كول سنتر يعني قبل ما تعيا لازم تقول ا للمستر "قصدي التيم ليدر"
أنك كمان أسبوع هيجيلك دور برد جامد جدا ومفاجئ علشان كده مش هتقدر تيجي,
ولو هتعمل حادثة بعد الشر يعني تقول له قبلها بشهر, أما بقا يا حلو لو
ناوي تتكل خالص يبقي قول له قبلها بشهرين علي الأقل "البروسيز بتقول كده*"
***********************
شغال
في كول سنتر يعني لما تحب تروح التوليت لازم تستأذن المستر "أظن عرفتوا
مين مش هقعد أقولوكوا كل مرة التيم ليدر"وتقول له السبب أنت هتروح ليه
بالضبط "يعني أسهال ولا أمساك ولا قضاء حاجه ولا مجرد رفاهيه" وتحدد المده
" ماهي غلطتك يا بني حد قالك تشرب ميه " وطبعا لازم تسيب موبايلك مفتوح
وتبقي علي أهبه الاستعداد " أيه اهبه ديه000 ما علينا" المهم
لييييييييييييييية بقا كل ده؟ أقولك انا ليه؟
علشان طبعا في اللحظة
ديه ممكن الدنيا تقع و" السرفيس ليفيل" يبوظ وده كله هيقصرعلي البروجيكت
اللي أنت شغال فيه واللي هوا أقتصاد مصر وزي مانت عارفه ان مصر بتتقدم
بينا يبقي هتتقدم ازاي بينا بقا و احنا بنروح التواليت ؟؟؟
*************************
شغال
في كول سنتر يعني قرار سفر العيله للمصيف أو مثلا قرار ميعاد حفل زفاف
بيكون متوقف علي سيادتك وعلي حسب ظروف البيسبيس ناااو " قاصدي البيزنيس
نيد" بتاعت شغلك وبعد ما يتوافقلك علي أجازتك–ده اذا أتوافق أصلا- يبتدوا
هما يخدوا قرارتهم
***********************
شغال في كول سنتر يعني حرقه دم....وخرمة ودن.... وقلبة دماغ.... وتوتر أعصاب... ولازم يصيبك حاجه من الأمراض المزمنة التالية
أرتفاع ضغط الدم أو إنخفاضه إنخفاض حاد في اليوم عشر مررات" بيتوقف علي حسب نوع الكاستومرز"
حساسية مزمنة ضد " الهيد سيت" وأي "رنه تليفون" وأكتئاب عند سماع أغنية " تليفوني بيرن" وأعراضها بتستمر مده طويله
انفصام في الشخصية "بتكلم الكاستومر بحضرتك وبتشتمة وهوا علي" الميوت"
هلوسة سمعية "تسمع حاجات غريبة بلليل ....خناقات ....ورنات تليفون في الخلفية
"حول وقتب " من الكافيه علي الكمبيوتر" وأحسبها صح تعيشها صح "معرفش ايه مناسبتها ... مش مشكله كله لمصلحة منتخب مصر"
**********************
شغال في كول سنتر يبقي مريت بمراحل قبل وبعد زي أعلانات التجميل اللي في الجرايد كده
قبل:
زماااااااااااااااااان000 فاكر زمااااااااااااااان 0000لا أبعد شوية اول
ما" لجيت" جديد لما كان حد كان يقفل في وشك السكه كنت تعيط وتتحرق قوي
وتاخد الموضوع علي نفسيتك وتعتبر ان كرامتك من كرامة الامه والحاجات ديه
بعد:
دلوقتي هاااااااااااااااا قول متتكسفش.... شعورك ايه لما الكاستومر يفقل
في وشك السكه يااااااااااااااه اعتقد انك بتكون متفائل طول اليوم و ممكن
تعمل فرح وتفضل تدعي للكاستومر ليل ونهار ان ربنا يكمله بعقله ويزيد
امثالة.... علشان خاطر مصر برده
***********************
أما
بالنسبه للشتايم واللي عمري عمري ما سمعتها من كاستومر"يارب سامحني"
فالموضوع بيمر المرادي بتلات مراحل بقا مش اتنين بس " شايفين التسلسل
والمنطق !!!"
الأولي : السلبية وهي انك تعيط وتتحرق قوي وتاخد الموضوع علي نفسيتك وكرامتك وكرامة مصر
الثانيه: بعد حوالي شهر بيحصلك حاله من عدم الا مبالاة المتمثله في " ماااااا يشتم هي الشتيمة بتلزق يعني"
الثالثة: بعد مرور ثلاث شهور بالضبظ بيحصلك حاله من الايجابية الممثله في " يا عبييييط ده الشتيمة بتلف بتلف وترجع لصاحبها"
***********************
شغال
في كول سنتر يبقي اكيد جتلك للعقده النفسية انك تتصل بأي كول سنتر تاني
وتراقب "الأجينت" وتمسكله علي الغلطة ولازم تقوله بكل فخر وثقة بالنفس "
علي فكره اصل انا كمان شغال في كول سنتر و اللي انت بتعمله ده كذا وكذا
وكذا... ولازم تقلبها هارد كول علي الأيجنت " مش بذمتك عملت كده
؟يااااااارااااجل دانتا ذمتك طلعت أستيك
***********************
شغال في كول سنتر يبقي كل حديثك مع زملائك في البيرك بيكون كالأتي
شوفتواااااااااااااا انهارده كان معايا حته كاستومر ايه نكتة دا كان بقول كذا وكذا وكذا.........
وانا كمااااان كان معايا ست مجنونه تخيلوا بتقوللي ايه ...........................................
امال لو كان جالكوا الحيــ ... اللي كان معايا .....دا كان عاوز كذا وكذا وكذا
.اما تهريجك معاهم وشتائمك ليهم فبينحصر في تلات حاجات
يا قليل "الأديرنس"
وعديم "البيرفورمانس"
أما لو زميلتك خدت فيتال تفضل تعايرها وتقوللها أم فيتال أهي..أهي ..... أم فيتال أهي..أهي
***********************
شغال
في كول سنتر يبقي لازم تبقي في معزل من الفيزلين عن الفليين " لا أنا كده
أبتديت أهييس" قصدي في معزل عن الأحداث الجارية ... هتقولولي ازاي..
يعني مثلا أقول لك الأنتخابات " تقوللي مين مات؟؟"
أقوللك اتفاقية الجات" تقوللي بتاعت الحبشتكنات؟؟
أقوللك أوباما تقوللي" فعلااااا اللي خلف ممات؟"
**********************
شغال في كول سنتر يعني دائمااا ليك فلووووس " ودايما مخصوم منك فلوس مش عارفه ليه بصراحه" بيتهيألي برده علشان ديون مصر
***************
شغال في كول سنتر يعني فيه كلام لاااازم كثيرلازم تسمعه من أهلك وقرايبك من صحابك أو حتي من البواب علي سبيل المثال وليس الحصر
1- عيني عليكي يا بنتي من صباحية ربنا لحد دلوقتي و انتي في الشارع
2- كل الناس نايمة في بيتها وانتي نازل عالشغل يوم الجمعه.
3- الناس خيبتها الجمعه والسبت وانتي خيبتك السبت والأحد " قصدي موردتش علي حد"
4-
معقوووووووووووووول... انتي بتشتغلي أول يوم العيد..... لا حول ولا قوة
الا بالله هما مش عارفين في أوروبا اننا عندنا عيد ههههههههه
5- يعني أيه تعبانه وتنزلي الشغل هيا الناس ديه مفيش في قلوبهم رحمه
6- نفسي اعرف انتي مين هيرضي بيكي وانتي طول اليوم بره البيت كده
***********************
شغال في كول سنتر يبقي لازم تأمن ورايا حالا وبدون تردد برده علشان مصر
الهم أهدي العملاء
وأشفيهم يارب من الغباء
الهم أكثر من الدروبد كولز
وأجعلها مباركه عير محسوبة ولا محسودة
الهم أخدهم أخد عزيز مقتدر " متفهموش غلط يعني يتصلوا بكول سنتر تاني"
الهم شتت أسألتهم ...
وقلل أستفساراتهم ...
.وأجعلها سهله مقبوله ميسورة يا رب العالمين
| |
|
