امثال شعبية كول سنترية

بما اننا يا شباب مطحوننين, ومقضيين معظم وقتنا ان مكانش كله في المعتقل فكان لازم الحياة الكول سنترية تفرض علينا أسلوبها واكيد اكيد لو قارنت بين شخصيتك قبل الكول سنتر وبعدها هتلاقي أختلااااف كبير- الا لو انت بقا مولود أيجنت أصلا ده وضع تاني- وهتلاقي ان تاثير القنبله الكول سنترية مكانش علي شخصيتك بس لا ده كمان أثرت علي أسلوب حياتك وتفكريك وانفعلاتك والفاظك حتي أمثالك الشعبيه اللي بتستخدمها اتغيرت بعد الشغل في المعتقل الكول سنتري
برغي صح؟؟؟؟؟؟ طيب جاملني وقول لأ

طيب نشوف بقا مجموعه من الأمثال الكول سنترية اللي بقيت أستخدمها من ساعت الحادثة يوووة قصدي من ساعه ما أشتغلت في الكول سنتر

- نقول طور يقولوا هندلوة
- يموت الايجنت وبقة بيلعب
- قلبي علي السيرفز ليفل أنفطر وقلب السيرفز ليفل عليا حجر
- قال يا قاعدين يكفيكوا شر المتصليين
- ان غاب الليدر العب يا أيجنت
- أبعد عن التليفون وغنيلة
- أربط الأيجنت مطرح ما يحب الليدر بتاعه
- ضربوا الأيجنت علي ودانه قال خربانه وخربانه
- علم في المتبلم يتصل تاني
- اللي يهندل البيضه يهندل الفرخة
- ان كان لك حاجه عند الكــــــا ستومر حاجه قول له يا فندم
- الكوالتي لما يفلس يدور في كولاتك القديمة
- تحلفلي أصدقك أسمع كولاتك أستعجب
- الأيجنت لما يقع تكتر سكاكينه
- اتقي شر الكوكو اذا غضب
- في الهندله السلامه وفي القفش الندامة
- الأسكور شيت الأبيض ينفع في اليوم الأسود
- هيا الدنيا كده كوله ليك وعشرة عليك
- أيش يعمل الأيجنت في المخ الضلم
- ان كان التيم بتاعك عسل متلحسهوش كله - موجهه اللي التيم ليدرز
- ولأن أكرمت الايجنت ملكته ولأن أكرمت التيم الليدر تمرد
- ياما في الكول سنتر مواكيس
- الكاستومر اللي يجيلك منه الريح اقفل في وشة واستريح
- وطبعا في الختام احب اقولوكوا خلي شعاركم خير الكلام ما قل وشل

» أخبار كول سنترية خفيفة