يوم ما طلعتلوش شمس !!!!!!!!

النهارده يوم الخميس 17-12 يعنى بكره اول السنه الهجريه و كل سنه و انتو طيبين و بالمناسبه دى قررو خلاص يحنو على الايجنتز ( مش كلهم طبعا ) و يدوهم اجازه بس على فكره دى مش حنيه لا ده علشان مش ينفع حد ياخد اجازه السبت حد يقوللى ليه اقوله السبت ده اول الاسبوع يعنى عيد ميلاد الويت و صبح صبح لازم يكون كل الايجنتز موجودين طبعا - ما عدا اخواننا اللى مثبتين داى اوف - عافانا الله و طبعا كالعاده الشركه فى اليوم ده من غير كبير - قصدى من غير سوبر - لانهم طبعا غير كل البشر علشان بياخدو يومين اوف من غير ما تسال ليه ... ما علينا نرجع لموضوعنا علشان ماحدش يترمننا ... وصلنا لحد فين ؟؟؟ ركز بئا معايا ...لحد ان اكتر من نص البروجكت اجازه ... اه نسي اقولكو ان الاتش ار اجازه طبعا و كمان كام بروجكت كده محترم ما عدا احنا ... " حكم القوى ........" نرجع نكمل ... كالعاده انا صحيت فى اليوم ده بدرى و كنت مبسوط اوى فى اليوم ده علشان اجازه و الحياه هاديه ... دخلت الشركه لقيت الجو هسسسسسسسسسس ...... قلت الحمد لله هنقضيها النهارده ... جات الساعه 11 دخلت الفلور لقيت كله فى حاله - على غير العاده طبعا - ما شكتش لحظه انه يكون فيه ويت ...المهم قعدت فتحت الجهاز و بصبح على اللى جنبى ما ردش عليا قلت ما خدش باله .. ما علينا المهم لجيت ... و يا ريتنى ما لجيت !!!!!! و انا بدخل اللوجن لقيت العميل فى وشى ...آآآآآه - اتارى التليفون اوتو انسر مع نفسه - قلت يمكن مكالمه كانت تايهه كده ولا كده ......اكتشفت بعدها ان فيه اكتر من 52 عميل على الويت ....يا خبر ....... فضلت من 11 لغايه 1.30 و ده معاد اول بريك ليا طبعا لسانى مش سكت لحظه واحده ... و فجأة !!!!!!! خير اللهم اجعله خير اللى كان قاعد جنبى قام من جنبى افتكرته تعب ..... لكن مافيش وقت حتى انى اعرف هو مين ده اللى كان قاعد جنبى .. فجاه المكان اللى جنى بئا فاضى .......و طبعا مافيش وقت انك حتى تعرف مين جنبك ..... و فجأة ..........واااااااااااااااااااو ..... لاااااااااا....... حد فكر يقعد جنبى ................تفتكرو ميييييييييييين ........ لقيت السوبر كايزر جه جنبى و بيشغل الجهاز ....... قلت لا لا لا اكيد بيشغله لايجنت لسه جاى ...... قلت الراجل ده محترم اوى ....... و بعدين لقيته بيدخل اليوزر بتاعه ............ فجأه ..... يا خبر ده لسوبر قعد جنبى .....يا ترى ناوى على ايه يا سوبر نايتى ......؟؟؟؟؟ شكيت فى نفسى قلت يمكن عايز يقعد جنبى علشان يراقبنى ... بس على مين و لا انا هنا اصلا ..... فجاه ............ ايه اللى بيحصل ده ...مستحيييييييييل .... السوبر بيدخل اللوجن بتاعه على التليفون ....... اخيرا عايز يرجع ايام زمااااااااااان ... بس من حسن حظه ان اللوجن اللى دخل بيه طلع مش تبعنا ... علشان كده تليفونه ما رنش خالص ..... طبعا شك فى اللوجن ...... طلب من الفلور واحد تانى ............. جاله الفلور و اده لوجن شغال .............. و جات اللحظه الحاسمه ...... السوبر دلوقتى لاجج و معاه عميل كمان ..... فجاه رميت ودنى معاه كده ..... لقيته بيقول للعميل : " لحظات معايا على الانتظار يافندم" قلت فى نفسى يا ترى هيحوله لمين ؟؟؟؟؟ و مصيبه لو العميل كان مدايق و قاله : " ادينى المسؤل عندك" فى الحاله دى مش ينفع خالص يقوله : " اصل انا المسؤل" ... العميل لسه على الهولد طبعا ..... لقيت الفلور جه للسوبر و معاه ورقه وقلم و مش عارف بيقول ايه للسوبر .... حسيت طبعا ان السوبر واقع فى مشكله كبيره .... قلت علشان يقدروا اللى احنا فيه .... ما اكدبش عليكو مش عارف اذا كنت وقتها كنت مبسوط ولا متعاطف معاه ... باختصار ممكن تقولوا كنت " شمتان" فيه ...... و فى اللحظه التاريخيه دى فيه ناس ما حبوش يضيعوها و جه واحد كده ... و حب يصور السوبر و هو لاجج ........ فعلا لحظه تاريخيه .......زى لحظه عبور سيناء بالظبط .......ما علينا ..... و جات اللحظه اللى كنت مش متوقعها ... هتقولوا هى ايه .... اقولكم ... الفلور واقف جنب السوبر و بيتكلم معاه .. فجاه التليفون رن ... الليدر قال للسوبر تليفونك بيرن الحق قبل ما يلج اوت ......و طبعا فى لمح البصر السوبر رد على التليفون ..... مش عارف خايف من ايه .... من التوتال شيفت ولا ايه مش عارف ؟؟؟؟؟؟
ما علينا ..... المهم انا طبعا اول الساعه ماجات 1.30 بسرعه لجيت اوت و هربت من الفلور نزلت اشم شويه هواء .... اللى كنت محروم منه من الساعه 11 ..... قلت انا ايه اللى جابنى النهارده بس ؟؟؟؟؟؟؟؟؟ ده خصم اسبوع ارحم من اليوم ده ...
قلت خلاص .... احنا ادبسنا و اللى كان كان ...... البريك فات بسرعه كالعاده ..... و لاول مره اكون ملتزم بمعاد البريك بتاعى .... بينى و بينكو انا اكتر واحد بيهيس فى البريكات .... ربنا يستر بعد اللى انا كتبته ده و الاعتراف الخطير ده .... بس فى اليوم ده بجد انا اتحديت نفسى و قلت لازم اسد ... اصل انا بحب الازمات علشان دى اللى بتعمل الرجاله بجد .....رجعت من البريك فى ميعادى بالظبط .... و لجيت .. بس للاسف بدور على اللى كان قاعد جنبى مش لاقيه ... فاكرينه ؟؟؟؟ ايوة هو ده ..... قلت يمكن قام بريك ...... حقه طبعا ..... بس فعلا اليوم ده كان اكتر يوم فيه ويت تقريبا من اول ما انا جيت الشركه ...... ما علينا ..... طبعا كنا فى عرض واحد يلج علشان يخف الويت ده ...... ما اخبيش عليكوا انتوا مش اغراب بردو ...... السيرفيس ليفيل كانت وصلت لــ 30% حاجه تكسف طبعا بس هنعمل ايه العدد مش كافى بس لحد الساعه 4 كانت المدبحه شغاله بعد 4 ابتدت تخف ..... و الناس ابتدت تفتح عينيها و تشوف احنا بقينا امتى و مين اللى قاعد فى الفلور .......... خير اللهم اجعله خير .... ده كان كابوس طبعا ....... بس جات الساعه 6 و احنا طبعا لسه قاعدين ...... و خد عندك بئا .. عينك ما تشوف الا النور ..... الويت اشتغل تانى ... طاخ طيخ طوخ ...... اى..اى...اى..اى..وفيييييييييييين .... جات الساعه 7 ما صدقت هربت .. يعنى لجيت اوت .....ما تفهموش غلط ......و سبت الضحايا بتوع النايت شيفت ...... سؤال الحلقه : غلطه مين دى ؟؟ اللى حط الاجازات .... ولا العملاء الفاضيين ... ولا ده نصيبنا الاسود ؟؟؟؟؟ اكيد كلكوا عندكوا اجابه واحده بس ....... مش هقولها طبعا علشان الترمنه ماشيه فى الشركه اليومين دول و ما بيصدقوا ....... بس فى الاخر هيجيبوا الغلط على العملاء ......
خلص اليوم ............ شكرا لاتصالك ببتاع الخروووب .... تيت .. تيت .. تيت